Jekk qed taħseb biex titlaq ix-xogħol huwa importanti li tikkonsidra l-implikazzjonijiet kollha.

Aħseb dwar l-affarijiet li tkun ser iċċedi, u jekk tassew tridx titlifhom.

  • Ser timmaniġġja b’inqas flus?
  • Trid iċċedi l-indipendenza u l-kuntatt soċjali li għandek permezz tax-xogħol tiegħek?
  • Ser titlef ħiliet imprezzabbli jekk titlaq?
  • Kif ser jiġi affettwat l-intitolament tal-pensjoni futura tiegħek jekk titlaq mix-xogħol?

Imbagħad aħseb dwar modi kif iddur madwar il-problema, tista’:

  • Tagħmel talba għal ħidma flessibbli?
  • Tieħu btajjel bi ħlas u mingħajr ħlas sabiex taħseb dwar l-għażliet tiegħek fuq terminu ta’ żmien twil?
  • Tieħu waqfa fil-karriera?
  • Tistaqsi għal iżjed għajnuna mingħand is-servizzi soċjali?
  • Tixtri in care?

Kellem l-impjegatur tiegħek

Ftakar li l-impjegaturi japprezzaw membri tal-personel li jkunu kapaċi, bl-esperjenza u impenjati u jkunu ħerqana li jżommuhom. Min iħaddmek jista’ jkun kapaċi jgħinek f’modi li inti ma kkunsidrajtx. Tkellem magħhom dwar is-sitwazzjoni tiegħek jew permezz tal-uffiċjal tar-Riżorsi Umani/personel tiegħek jew ir-rappreżentant tal-junjin jew tal-assoċjazzjoni tal-personel.

Staqsi għal għajnuna mal-kura

Is-servizzi soċjali huwa d-dipartiment responsabbli fil-kunsill lokali tiegħek biex jipprovdi appoġġ għal persuni anzjani/b’diżabilità u l-familji tagħhom u dawk li jieħdu ħsiebhom. Il-carers għandhom dritt ta’ stima li tindirizza l‑għajnuna li teħtieġ biex timmaniġġja r-rwol ta’ kura.

 

Fittex dwar xiri ta’ kura privata

Jekk m’intix kapaċi ssib l-għajnuna mis-servizzi soċjali, jew qed tingħata pagamenti diretti (minflok servizzi) biex tagħmel l-arranġamenti ta’ kura tiegħek, għandu mnejn tista’ tixtri servizzi ta’ kura inti stess. Sabiex tieħu l‑għajnuna li tixtieq, tista’ jew tuża aġenzija jew tirrekruta l-għajnuna inti stess.

Fittex dwar l-intitolamenti benefiċċjarji tiegħek

Tista’ tistaqsi s-servizzi soċjali (jekk għandhom tim dwar id-drittijiet tal-welfare), aġenzija lokali tal-pariri jew Carers UK Adviceline għal verifika fuq il-benefiċċji. Dawn ser jgħidulek liema benefiċċji inti tkun kapaċi tikklejmja u xi jkun id-dħul jekk ikollok titlaq mix-xogħol jew tnaqqas is-sigħat li taħdem, u jistgħu jgħinuk tipprepara għal bidla fiċ-ċirkostanzi familjari tiegħek.

 

Id-dritt ta’ għażla

Ftakar li jekk tagħmel arranġamenti ta’ kura alternattiva sabiex tkun tista’ taħdem jistgħu jiħolqu konflitt u/jew jikkawżaw sens ta’ ħtija. Dak li tiddeċiedi għandu jkun tajjeb għalik kif ukoll għal ħaddieħor – għandek id-dritt t’għażla, u dan ifisser id-dritt li tagħżel li titlaq ix-xogħol kif ukoll li tibqa’.

Jekk tagħżel li titlaq ix-xogħol, kun żgur li tiċċekkja l-għażliet kollha qabel tirriżenja, pereżempju tista’ tieħu waqfa fil-karriera, sensja volontarja jew irtirar kmieni?

Permess ġentili minn

CARERS UK – The voice of carers.Żur is-sit...